Çinin Everqrand daşınmaz əmlak şirkətinin müdiri yoxa çıxıb.
32gun.az xəbər verir ki, Amerikanın Bloomberg media orqanı Everqrandın rəhbəri Hui Ka Yanın saxlanıldığını iddia edib. İddiaya görə, bu ayın əvvəlində Çin polisi tərəfindən saxlanılan Hui naməlum yerə aparılıb.
Qeyd edək ki, Everqrande təxminən 330 milyard dollarla dünyanın ən çox borcu olan daşınmaz əmlak şirkətidir.
Xəbərdən sonra borc içində olan daşınmaz əmlak şirkətinin səhmləri bir gündə təxminən 15 faiz dəyər itirdiyi bildirilib.
Qeyd edək ki, son iki ayda Çində xarici işlər və müdafiə nazirləri yoxa çıxıb.
