“Əl-Nəsr” klubu Kriştiano Ronaldonun bir neçə şəklini paylaşıb.
Tacxeber.com xəbər verir ki, klub, “Twitter” səhifəsində Ronaldonun Səudiyyə Ərəbistanına gəlişindən sonra ilk fotolarını nümayiş etdirib.
Portuqal futbolçu hava limanına gələrkən ona gül-çiçək verən gənc fanatlarla şəkil çəkdirib. Ronaldo Səudiyyə Ərəbistanına ailəsi ilə birgə gəlib.
Daha əvvəl bildirilmişdi ki, portuqaliyalı hücumçunun yeni klubunda təqdimatı yanvarın 3-də “Mrsul Park” stadionunda keçiriləcək, tədbir Bakı vaxtı ilə saat 20:00-da başlayacaq.
Ronaldonun “Əl-Nasr”la müqaviləsi 2025-ci ilin yayına qədərdir. Portuqaliyalının ərəblərlə müqaviləsində, “Nyukasl” Çempionlar Liqasına vəsiqə qazanacağı təqdirdə, Ronaldonun bu kluba gedə biləcəyi bəndinin olduğu da bildirilir.
Ronaldo 2022-ci ilin noyabrında “Mançester Yunayted”lə müqaviləni qarşılıqlı razılıq əsasında pozub.
