Almaniyanın Ştutqart şəhərindəki pul köçürmə şirkətində çalışan 42 yaşlı Mirnesa adlı qadın soyğunçuluq edib.
Evi polis bölməsindən cəmi 250 metr aralıda yerləşən Mirnesa nə az, nə çox, 1 milyon avro oğurlayaraq yoxa çıxıb.
Hadisə Almaniya mətbuatının gündəm mövzusuna çevrilib. Polis onu hələ də tapa bilmir. Mətbuatda polisin bu uğursuzluğu ələ salınıb. “Bild” nəşri polisin Mirnesa üçün hətta “təcili qaynar xətt” də yaratdığını bildirib.
Mirnesanın qonşusu onun heç vaxt özünü şübhəli aparmadığını deyib: “2021-ci ilin yayında bura köçüb. O, şirkətlərin birində filial müdiri olduğunu, günortadan gecə yarısına kimi işlədiyini deyirdi. Çox sakit həyat yaşayırdı. Tez-tez yaraşıqlı partnyoru və iti ilə gəzintiyə çıxırdı”. (Yenisabah)
