Yaxın gələcəkdə Rusiyada nələr baş verə bilər – Podolyak

 

O, informasiya telemarafonunun efirində bununla bağlı fikirlərini bildirib. Onun sözlərinə görə, indi Rusiya hökuməti çox çətin vəziyyətdədir.

“Yeni fiqurlar var ki, onlar demək olar ki, uzun müddət təkbaşına siyasi məkana hakim olan kumirə – cənab Putinə aktiv şəkildə hücum edəcək məqamı gözləyirdilər. Artıq o məqam yetişub. Rus elitasında mütləq parçalanma olacaq – bu, Putinin hakimiyyəti zamanı yaşanan ilk fəqli fikirlərin güclənməsi olacaq. Rusiya Federasiyası mütləq daxili siyasi transformasiyadan keçəcək, əks halda yol yoxdur.

O, müharibədə uduzacaq və siyasi elitasını yeniləmək məcburiyyətində qalacaq – bu, ikinci amil olacaq”, – deyə Podolyak vurğulayıb.

 

O əlavə edib ki, Rusiya Federasiyasının transformasiyası ölümcül nəticələrə, xüsusən də Rusiya silahlarının arsenallarına nəzarətin olmamasına gətirib çıxarmayacaq: “Bunlar Qərb elitasında 10-15 ildir orada mövcud olan qorxulardır. Rusiya Federasiyasının başına nə gələcək deyənlər diqqətli olaq, çünki onlar öz ərazilərinə və silah arsenalına nəzarəti itirəcəklər. Xeyr, bu belə olmayacaq”, – Podolyak deyib.

O, bidirib ki, Rusiyada daxili qarşıdurma və siyasi elitanın dəyişdirilməsi prosesi baş verəcək: “Ən zəhərli personajlar – onlar Rusiya Federasiyasındakı siyasi prosesin təsirli hissəsindən yox olacaqlar.

Ona görə də mən gərgin konfliktlər gözləyirəm, cənab Putinin nüfuzunu itirməsini gözləyirəm və bu, artıq baş verir. Mən Rusiyanın siyasi elitasında əsas spikerlərin dəyişməsini və təbii ki, onların Rusiya dövlətçiliyini tamamilə itirməmək üçün bu müharibədən necə çıxa biləcəkləri ilə bağlı daxili dialoq prosesini gözləyirəm”, – deyə Podolyak bildirib.

“Budur, Rusiya Federasiyasının sözün əsl mənasında bir-iki aya yaşayacağı əsas gündəm”, – Podolyak yekunlaşdırdı. (Bizimyol.info)

Tacxeber.com