İran ordusu Küveyt və Bəhreyndəki Amerika bazalarına zərbələr endirib və ABŞ Mərkəzi Komandanlığı (CENTCOM) İrana qarşı daha bir seriya zərbələrin başa çatdığını bildirib.
Press TV-nin məlumatına görə, Küveytdəki ABŞ-ın Əhməd əl-Cabir hava bazasına edilən hücum nəticəsində erkən xəbərdarlıq və raketdən müdafiə radarları, AN/FPS-117 radar stansiyası və Patriot zenit-raket sistemi məhv edilib.
Həmçinin, “Kemp Arifjan” bazasındakı ABŞ-ın “Himars” raket sistemlərinə də zərbələr endirilib.
Telekanalın məlumatına görə, Bəhreyndə bir radar qurğusu və ABŞ-ın Patriot hava hücumundan müdafiə sistemi məhv edilib.
Zərbələr zamanı ABŞ qüvvələri İran hərbi komandanlıq mərkəzlərinə, dəniz obyektlərinə, raket və pilotsuz təyyarələrin buraxılış məntəqələrinə və hava hücumundan müdafiə sistemlərinə zərbələr endirib. Komandanlığın məlumatına görə, zərbələr İranın hərbi imkanlarını daha da zəiflətmək məqsədi daşıyırdı.