Ukrayna Prezidenti Vladimir Zelenski Rusiyanın Kostyantinovkanın Rusiya hərbi nəzarəti altında olması ilə bağlı iddialarının yalan olduğunu bildirib. O, bu açıqlamanı Almaniya kansleri Fridrix Mertslə telefon danışığı zamanı verib.
Zelenski vurğulayıb ki, “Əgər Konstantinovka hazırda Rusiyanın nəzarəti altındadırsa, onda Putinin orada mənimlə görüşməkdə və müharibəyə son qoymaq üçün diplomatik həllər tapmaqda heç bir problemi olmayacaq”.
Onun sözlərinə görə, Rusiya lideri ABŞ prezidenti də daxil olmaqla beynəlxalq ictimaiyyəti Rusiya qoşunlarının Konstantinovkanı ələ keçirdiyinə inandırmağa çalışır, baxmayaraq ki, bu, doğru deyil.
Ukrayna prezidenti Berlinə dəstəyə görə təşəkkür etdi və qeyd etdi ki, danışıqların əsas məsələsi Rusiyanın raket zərbələrinin davam etdiyi bir vaxtda Patriot hava hücumundan müdafiə sistemi üçün raketlərin tədarükü olub.
Bundan əvvəl Rusiya Silahlı Qüvvələri Baş Qərargahının Baş Əməliyyat İdarəsinin rəisi Sergey Rudskoy Ukraynanın Donetsk vilayətindəki Kostyantinovka kəndi üzərində tam nəzarətin yaradıldığınıelan etmişdi . Kiyev Rusiyanın açıqlamasını təkzib etmişdi.