Gecə saatlarında Ukraynanın hava hücumundan müdafiə qüvvələri Dnepropetrovsk vilayəti üzərində düşmənin 6 kamikadze dronunu məhv edib.
Bunu Dnepropetrovsk vilayət şurasının rəhbəri Nikolay Lukaşuk deyib.
“Gecə hava hücumundan müdafiə qüvvələrimiz Dnepropetrovsk vilayətini baş verə biləcək faciədən xilas etdi. Ukrayna müdafiəçiləri bölgənin səmasında düşmənin 6 kamikadze dronunu vurub. Bu, genişmiqyaslı müharibə zamanı bölgəyə düşmənin pilotsuz uçan aparatlarının ən böyük kütləvi hücumu idi. Lakin hava müdafiəmiz bunu bacardı. Hücumun qarşısı alındı. Qəhrəmanlarımıza təşəkkürlər”, – deyə o bildirib. (Teleqraf)
