Rusiya Federasiyasının Təhlükəsizlik və Korrupsiyaya Qarşı Mübarizə üzrə Federal Layihəsinin rəhbəri Vitali Borodin, azərbaycan əsilli iş adamı Araz Aqalarovdan “Krokus Siti Holl”un müsadirə olunmasını tələb edib.
Borodin bu tələbi Araz Aqalarovun Bakıya köçməsi ilə əsaslandırıb. O, həmçinin Aqalarovların oğlu Emin Aqalarovun maddi çətinliklərdən şikayət etdiyini, amma eyni zamanda “Sea Breeze”də böyük tikinti apardığını xatırladıb.
Borodin Telegram kanalında yazıb:
“Aqalarovlar artıq ‘lyujalarını təmizləyiblər’, sxem aydındır – Rusiyada kreditlər götürüb getdilər. Düşünürəm ki, bundan sonra daha maraqlı olacaq – banklar ‘Krokus’un əmlakını borcların əvəzinə tələb edə bilər.”
O həmçinin əmin olduğunu bildirib ki, vəziyyət inkişaf edəcək və kompleksin sahibləri üçün ciddi hüquqi nəticələrə səbəb ola bilər.