Krım körpüsünə noyabrın 17-də edilən hücumda Niderlandda yerləşən “Destinus” şirkətinin raketlərindən istifadə olunması Moskvanın sərt reaksiyasına səbəb olub.
Tacxeber.com “The Moscow Times”a istinadən xəbər verir ki, Rusiyanın Niderlanddakı səfirliyi noyabrın 18-də yaydığı açıqlamada Haaqanın Ukrayna tərəfində münaqişəyə açıq şəkildə qoşulub-qoşulmadığını soruşub. Səfirlik şirkətin açıqlaması barədə Moskvanın məlumatlandırıldığını bildirib.
“Destinus”un prezidenti Oleksandr Danilyuk Reuters-ə bildirib ki, çoxmərhələli əməliyyat zamanı şirkətin yeddi “Ruta” qanadlı raketi körpüyə dəyib. Onun sözlərinə görə, hücumda şirkətin uzaqmənzilli pilotsuz uçuş aparatlarından da istifadə olunub. Reuters-in məlumatına əsasən, hücum nəticəsində körpünün avtomobil yolunun mərkəzi aşırımı dağılıb.
