Ermənistanın Baş naziri Nikol Paşinyan bildirib ki, ölkədən olan bəzi insanlar Avropada sığınacaq almaq üçün özlərini cinsi azlıqların nümayəndələri kimi təqdim edirlər.
“Ermənistandan olan cinayətkarlar Avropaya gedir və gey olduqlarını və Ermənistanda təqib olunduqlarını yazırlar. Bilirsən niyə? Yaşayış hüququ almaq üçün”, – deyə Paşinyan bildirib.
Baş nazirin sözlərinə görə, bu cür hadisələrin qarşısını almaq üçün digər məsələlərlə yanaşı, bərabərlik və ayrı-seçkiliyə yol verilməməsi haqqında qanunun qəbul edilməsi zəruridir. O, həmçinin Ermənistanın Avropa standartlarına uyğun gəlməli olduğunu vurğulayıb.