“Azərbaycan Dənizçilərinə Dəstək” ictimai təşkilatının məlumatına görə, Qara dənizdə gəmiyə edilən dron hücumları nəticəsində iki Azərbaycan dənizçisi həlak olub.
Məlumata görə, göyərtəsində dörd Azərbaycan vətəndaşının olduğu TEDY yedək gəmisi Odessa limanı yaxınlığında dronlarla hücuma məruz qalıb.
Gəmi Mert Marine Corporation şirkətinə məxsusdur və Somali bayrağı altında üzür. Gəmidə dörd Azərbaycan vətəndaşından əlavə, üç Türkiyə, iki Almaniya və bir Ukrayna vətəndaşı da olub.
İlk hücumdan sonra zədələnmiş yedək gəmisi Konstansa limanına doğru hərəkət etdi, lakin yol boyu daha iki dron zərbəsinə məruz qaldı.
Nəticədə, Azərbaycan dənizçiləri Aslan Əliyev və Asim Qasımov həlak olublar. Digər iki Azərbaycan vətəndaşı yanıq xəsarətləri alaraq Odessada xəstəxanaya yerləşdirilib.