Sally” adlı robot Qərbi Nyu-York aksenti ilə danışacaq və Salamanka şəhərində orta məktəbində 11 və 12-ci sinif şagirdlərinə dərs prosesində iştirak edəcək.
Bildirilir ki, robotun hazırlanması 57 min dollara başa gəlib. Bu məbləğ Nyu-York ştatında müəllimlərin orta illik əməkhaqqından daha aşağıdır.
“Sally” insanabənzər görünüşə malikdir. Onun şabalıdı rəngli saçları var, qollarını və ayaqlarını hərəkət etdirə bilir. Lakin robot sinif otağında sərbəst yerimək imkanına malik deyil.
Şagirdlər öz hesabları ilə sistemə daxil olduqda robot onları tanıyacaq, əvvəlki ünsiyyət və dərs məlumatlarını yadda saxlayacaq. Bu da hər bir şagirdə fərdi yanaşmanı mümkün edəcək.
“Sally” əsasən proqramlaşdırma, robototexnika və süni intellekt üzrə dərslərdə müəllimlərə dəstək verəcək.
Layihəni hazırlayan Realbotix şirkəti daha çox insanabənzər “yoldaş robotlar” istehsal etməsi ilə tanınır.
Bununla yanaşı, məktəb rəhbərliyi robotların müəllimləri əvəz etməyəcəyini xüsusi vurğulayıb. Onların sözlərinə görə, “Sally” yalnız tədris prosesinə dəstək məqsədi daşıyır və müəllimlərin köməkçisi kimi fəaliyyət göstərəcək. (Modern.az)