“Müstəqil Ukrayna Rusiya üçün basdırılmış minadır. Zaman gələcək Ukrayna Rusiya üçün böyük təhdid olacaq. Krım və Donbasa Rusiyanın iddia etmək üçün bütün əsasları var. Əgər Ukrayna Sovet İttifaqından ayrılırsa Rusiya Krım və Donbası nəzarətinə götürməlidir.
Güclü və böyük Ukrayna ordusu gələcəkdə Rusiya üçün yeni təhdid mənbəyi olacaq. Buna görə də Rusiya daha kiçik Ukrayna ordusuna nail olmalıdır. Ukrayna dənizə çıxışı olan dövlət kimi Rusiya üçün ekzistensial təhdiddir. Mariupol, Berdzyansk, Xerson, Odessa kimi şəhərlərin, Krım və Sevastopolun Ukraynada qalması Rusiya Qara dəniz donanmasının gələcək taleyini təhdid altına alır. Zamanla dəniz gücü kimi Ukrayna başqalarının dəstəyi ilə Rusiyanın isti dənizlərə çıxışına mane ola bilər. Buna görə də Rusiya Ukraynanın dənizə çıxışını qapatmalıdır”.
Peterburq klanın qurucusu, Putini siyasətə gətirmiş və Sankt-peterburqun sabiq meri Anatoli Sobçak 1992-ci il çıxışı. (CaucasianLive)