ABŞ-ın müstəqilliyini bəyan etməsinin 250-ci ildönümü gəldi.
Tramp bu günədək böyük nailiyyətlərə imza atmalı və adını ABŞ tarixinə yazmalı, bundan sonra isə amerikalıların kumirinə çevrilməli, 4 noyabr Konqresə aralıq seçkilərində respublikaçılara mütləq qalib etməli, hətta Trampın 2028-ci ildə də müstəsna hal kimi 3-cü dəfə prezident seçilməsini tələb etməli idilər.
Bütün dünya ABŞ-a, daha doğrusu, kral Trampa kölə kimi tabe olmalı idi. Onu məhdudlaşdıran heç bir beynəlxalq təşkilat, qanun olmamalı idi, onu yalnız öz olmayan mənəviyyatı məhdudlaşdıra bilərdi: https://www.facebook.com/asif.shafaggatov.3/posts/4300098063639605
Bəs Tramp bu günə hansı nailiyyətlərlə gəldi?
Ukrayna müharibəsini ABŞ-a sərf edən şərtlərlə dayandıra bilmədi (24 saata dayandıracağını vəd vermişdi);
Nobel Sülh mükafatını ala bilmədi (heç kimin xəbəri olmayan 8 müharibəni dayandırdığını təkrar-təkrar desə də);
Gömrük tarifləri siyasəti tam fiaskoya uğradı (Çini ram edə bilmədi; üstəlik 11 ay sonra məhkəmə tariflərin qanunsuz tətbiq olunduğunu əsas gətirərək onları ləğv etdi və tarifdən qazanılan pulları geri qaytarmağı tələb etdi);
Qeyri-leqal miqrantların deportasiyasında da uğursuzluğa düçar oldu (miqrantpərəst adlandırdığı Obamanın prezidentlik dövründə heç bir vəhşi metodlar tətbiq etmədən il ərzində ABŞ-dan daha çox miqrant deportasiya edilirdi);
İşsizliyi azalda bilmədi;
İnflyasiyanı azalda bilmədi;
Büdcə kəsirini nəinki azalda bilmədi, onu artırdı;
Dövlət borcunun daha sürətlə artmasına səbəb oldu;
ABŞ-da reindustrializasiya başlamadı;
Qrenlandiyanı ələ keçirə bilmədi;
Kanada haqqında heç danışmağa dəyməz;
Seçkiqabağı vəd verdiyi “Epşteyn dosyesi”ni açmaqla reytinqini artırmaq istəyən Tramp özünü və ətrafını daha pis vəziyyətə qoydu;
Bab əl-Məndab boğazını husilərin nəzarətindən müharibə yolu ilə də çıxarda bilmədi;
İranla müharibəyə girərək, onu nəinki məğlub edə bilmədi, Hörmüz boğazına nəzarəti də itirdi;
İran müharibəsindən sonra nəinki Körfəz ölkələrində, bütün dünyada ABŞ-ın təhlükəsizliyin təminatçısı statusunu şübhə altına atdı;
Kubanı hələ də tabe edə bilməyib;
ABŞ-da benzinin və dizelin qiyməti 2022-ci il səviyyəsindən də yuxarı qalxıb;
ABŞ-ın strateji neft ehtiyatları həcmi katastrofik səviyyəyə düşüb;
Trampın və respublikaçıların reytinqi təhlükəli həddədir: onu qaldırmaq mümkün olmazsa, respublikaçılar noyabr seçkilərində nəinki Nümayəndələr Palatasında, hətta Senatda da çoxluğu itirə bilərlər (bu isə Tramp üçün yeni impiçment qalmaqalı deməkdir);
Trampı hakimiyyətə gətirən MAGA-çılar arasında parçalanma yaranıb, onların bir qrupu faktiki olaraq anti-Tramp mövqeyinə keçiblər;
İran məsələsinə görə Trampla sionistlər arasında da uçurum dərinləşməyə başlayır.
NATO-nun “kağız pələng” olduğunu (Trampın sözləridir) sübut etdirdi və s.
Uğur siyahısı isə çox qısadır:
ABŞ-la Meksika sərhədini nəzarətə götürə bildi və hazırda oradan qanunsuz miqrant keçə bilmir;
Panama kanalını Çinin nəzarətindən çıxarda bildi (hərçənd onu yenidən ABŞ-a qaytarmaq istəyirdi);
Venesuelanı ABŞ-ın vassalına çevirə bildi (hərçənd bunu taktiki uğur hesab etsək də strateji olaraq ABŞ-ın nüfuzuna ağır zərbə saymaq olar).
Beləliklə, “möhtəşəm” Yubiley tədbirləri üçün ürəkaçan fon yoxdur. Trampı və ABŞ-ı yaxşı gələcək gözləmir.
“Amerikanı yenidən möhtəşəm edək!” (MAGA) şüarı ilə hakimiyyətə gələn Tramp 1,5 il ərzində “Amerikanı istehza obyekti edək!” səviyyəsinə uğurla gətirə bilib.