Ukrayna Prezidenti Vladimir Zelenskibildirib ki, Kiyevdə gecə baş verənRusiya hücumu nəticəsində beş nəfər ölüb, təxminən 40 nəfər yaralanıb . Kiyev bölgəsində daha yeddi, Xarkovda 28 və Odessa bölgəsində iki nəfər yaralanıb.
Zelenskinin sözlərinə görə, ölkə üzrə 180 binaya ziyan dəyib, onlardan 50-dən çoxu adi yaşayış binalarıdır. Kiyevin Darnitski rayonunda axtarış-xilasetmə əməliyyatı davam edir: binanın dağıntıları altında qalan insanlar axtarılır və on nəfərdən çox insan hələ də itkin düşüb.
Ukrayna prezidenti həmçinin bildirib ki, Xersonda humanitar missiya zamanı Rusiya FPV dronları BMT-nin Humanitar İşlər üzrə Koordinasiya Ofisinə məxsus nəqliyyat vasitəsinəiki dəfə hücum edib . Nəqliyyat vasitəsində missiya rəhbəri və BMT-nin digər səkkiz əməkdaşı olub. Heç kim xəsarət almayıb.
Zelenski Ukrayna qüvvələrinin raket və dronların 93%-dən çoxunu vura bildiyini qeyd etsə də, ballistik raketlərə qarşı müdafiənin ən çətin məsələ olaraq qaldığını vurğulayıb. O, Moskvaya təzyiqin artırılmasına və ona qarşı daha sərt sanksiyaların tətbiq edilməsinə çağırıb.
“Bütün bu hücumlara ədalətli cavab veriləcək. Və biz Moskvaya təzyiq göstərməliyik ki, onlar terrorlarının nəticələrini hiss etsinlər. Rusiyaya qarşı qlobal sanksiyaların olması vacibdir. Rusiyanın müharibəyə görə məsuliyyəti və sanksiya təzyiqimiz tam şəkildə dərk edilməlidir. Həmçinin dünyanın bu terrora qarşı səssiz qalmaması və Ukraynanın yanında olması vacibdir”, – deyə o qeyd edib.
11:30 Kiyevdə Rusiyanın zərbəsi nəticəsində iki nəfər ölüb, 40 nəfər yaralanıb.
Kiyev meri Vitali Kliçko bildirib ki, xəstəxanaya yerləşdirilməli olan qurbanlar arasında bir aylıq körpə də var.
