Müttəfiqlər Yaxın Şərqdəki münaqişə səbəbindən Ukraynadan Rusiyadakı neft obyektlərinə hücum etməməyi xahiş etsələr də, Kiyev bundan imtina etdi.
Bu barədə Ukrayna Prezidenti Vladimir Zelenski “Newsmax”a verdiyi müsahibədə bildirib.
“Tərəfdaşlarımızdan mesajlar aldıq ki, Yaxın Şərqdəki böhran nəzərə alınmaqla, Rusiyanın enerji infrastrukturuna hücum etməyə dəyməz. Əlbəttə ki, mən dedim: xeyr, biz cavab verəcəyik”, – deyə o bildirib.
Zelenski əlavə edib ki, enerji barışığı təklif edib, lakin hələlik bu təşəbbüsə cavab almayıb.