Bəzən hansısa prosesin miqyasını təsvir etmək üçün uzun-uzadı statistikalar, həcmli təhlillər yox, 3-4 rəqəm daha çox uyğundur. Söhbət Ukrayna hərbi-sənaye kompleksinin total transformasiyasından, dünya liderləri sirasına çatmasından və ümumiyyətlə Ukraynanın hərbi monsterə çevrilməsindən gedir.
Miqyası təsvir etmək üçün cəmi bir sahə üzrə statistik müqayisə aparaq. Dron istehsalı sahəsində fərqli illərdə rəqəmlərə diqqət edək:
– 2022-ci ildə 1000-1500 dron;
– 2023-cü ildə 200-400 min dron;
– 2024-cü ildə 1.7 milyon dron(orta rəqəm);
-2025-ci ildə 2.5-3.5 milyon dron;
– 2026-cı ildə 7(!!!) milyon dronun istehsal olunacağı proqnzolaşdırılır.
7 milyon dron demişkən, rəqəmi bir anlıq təsəvvür edin. Rəqəm bir yana, 1 ilə bu sayda dronları istehsal edən nəhəng hərbi-sənaye gücü təsəvvür edin.
24 fevral 2022-ci ildə Putinin elan etdiyi “Ukraynanın demilitarizasiyası” nəticəsində Ukrayna dünya miqyasında hərbi gücə çevrilir.