Expressen-in İsveç Gömrük Xidmətinə istinadən verdiyi məlumata görə, İsveç gömrük rəsmiləri sahil mühafizəsi əməkdaşları ilə birlikdə sanksiyalar altında olan Rusiyaya məxsus Adler konteyner gəmisini saxlayıblar.
İsveç Gömrük Xidmətinin sözçüsü Martin Höqlundun sözlərinə görə, gəminin gömrük yoxlaması davam edir. O qeyd edib ki, “Gömrük yoxlaması hələ başa çatmayıb, ona görə də nəticələrini deyə bilmərəm”.
İsveç hakimiyyət orqanlarının məlumatına görə, konteyner gəmisi 21 dekabr gecəsi Höganas şəhəri yaxınlığında İsveç ərazi sularında lövbər saldıqdan sonra gömrük və sahil mühafizəsi rəsmiləri gəmiyə miniblər.
Höglund aydınlaşdırdı ki, saxlanılmanın səbəbi gəminin məcburi gömrük bəyannaməsini təqdim etməməsidir ki, bu da mövcud qaydaların pozulmasıdır.