“Qorxum xarici təhdid deyil, daxili fikir ayrılıqlarıdır”
“İsrail və ABŞ İranla müharibə istəyir. Biz müharibə istəmirik, amma hücum etsələr, onlara güclə müqavimət göstərəcəyik”.
Tacxeber.com xəbər verir ki, bunu İran prezidenti Məsud Pezeşkian dövlət televiziyasına müsahibəsi zamanı deyib.
Pezeşkian bildirib ki, müharibə istəmədiymiz kimi, müharibədən də qorxmuruq: “Biz çalışırıq, amma ABŞ və İsrail İranı parçalamağa və devirməyə çalışır. Amma heç bir iranlı ölkəsinin bölünməsini və ya devrilməsini istəməz”, – prezident qeyd edib.
Pezeşkian onu da qeyd edib ki, müharibə başlayacağı təqdirdə ən narahatedici məqam ölkə daxilindəki fikir ayrılıqlarıdır: “Mənim qorxum geri çəkilmək və ya xarici təhdidlər deyil. Mənim əsl qorxum daxili fikir ayrılıqları, daxili münaqişələr və bəzən kiçik məsələlərlə bağlı yaranan münaqişələrdir. Düşmənlər isə bu fikir ayrılıqlarını səbirsizliklə gözləyirlər”.