Salvador hökuməti məktəblərdə “edgar” adlanan saç tərzini qadağan edib. Belə ki, bu tərzdə saçı olan şagirdlər məktəbə buraxılmayacaq və ailələrinə xəbərdarlıq ediləcək.
Tacxeber.com xəbər verir ki, bu saç tərzi Salvadorda kartel və cinayətkar qruplaşma üzvlərinə xasdır. Hökumət bundan öncə də kartellərə məxsus simvolların tatularını etdirən və kartel replərinə qulaq asanları həbs etmişdi.
Salvador cəmi 6 il öncə dünyada ən çox cinayətin baş verdiyi və ən çox cinayətkar qruplaşmaların olduğu ölkə idi. Bukele hakimiyyətə gələndən sonra verdiyi qərarlar və tikilən meqa həbsxanalarla Salvadoru Amerika qitəsində ən az cinayətin baş verdiyi ölkəyə çevirib. (Şedevr)
