Ağ Evdə Azərbaycan, ABŞ və Ermənistan liderləri — İlham Əliyev, Donald Tramp və Nikol Paşinyan arasında tarixi görüş keçirilib. Tacxeber.com bu hadisəni onlayn izləyib.
ABŞ prezidenti Donald Tramp, Azərbaycan prezidenti İlham Əliyev və Ermənistanın baş naziri Nikol Paşinyan tarixi saziş imzalayıblar.
Tramp bildirib ki, imzalanan razılaşmalar çərçivəsində Azərbaycan və Ermənistan daimi olaraq hərbi əməliyyatları dayandırmaq və bir-birinin suverenliyi ilə ərazi bütövlüyünə hörmət etmək öhdəliyini üzərinə götürüb.
“Ermənistan və Azərbaycan daimi olaraq bütün hərbi əməliyyatları dayandırmağa, ticarət, səyahət və diplomatik əlaqələri bərpa etməyə, eləcə də bir-birinin suverenliyi və ərazi bütövlüyünə hörmət etməyə razılaşıblar”, — deyə Tramp əlavə edib.