Belarus prezidenti Aleksandr Lukaşenko bildirib ki, ölkədə “hərbi səfərbərlik” tələb olunur, çünki növbəti il təzyiqlərin artması səbəbindən çox çətin olacaq.
Tacxeber.com xəbər verir ki, Lukaşenko bu barədə Minskdə Belarus diplomatik missiyalarının rəhbərləri ilə görüşdə deyib.
“Biz təkcə müharibə və hərbi əməliyyatlar zamanı deyil, həm də sülh dövründə səfərbər olmalıyıq”, – Lukaşenko bildirib.
Belarus lideri izah edib ki, diplomatlar və hökumət başa düşməlidir ki, biz sülh dövründə, amma hərbi səfərbərliyin zəruri olduğu bir dövrdə yaşayırıq.
“Bu il və gələn il çətin olacaq!” Lukaşenko təzyiq və tələblərin daha da artacağını vurğulayıb.
“Hesab edin ki, biz çox çətin sülh dövründə yaşayırıq, hərbi səfərbərliyə ehtiyac var!”, – Lukaşenko bir daha diqqət çəkərək əlavə edib ki, iqtisadiyyatı saxlamaq lazımdır.