Bu gün Azərbaycan mətbuatı özünün 150 illik yubileyini qeyd edir…
Ortada təltiflər, təbriklər… və daha nələr, nələr var. AMMA və LAKİN(!) (çox az qism istisna!) bütövlükdə MƏTBUAT özü yoxdu.
Mən o mətbuatdan danışıram ki, yalnız ONURĞALI SÖZÜN, AZAD DƏRKİN, AYDIN FİKRİN, İLAHİ PEŞƏKARLIĞın varlığına söykənsin, söykənə bilsin(!)… daha “maraqların” mütəkkəsinə dirsəklənməsin!
Bəli, mən o MƏTBUATdan danışıram!
… Ey gözəlim məmləkətin əksər jurnalistləri, əliqələmliləri, ilin-günün bu çağında özünüzü niyə aldadırsınız ki (VƏ YA niyə utanmırsınız ki!) ? Bəli, hətta utanmalısınız da!
MƏGƏR, Azərbaycan mətbuatını “maraqlara”, mənfəətə, mövqesizliyə, məddahlığa… uduzdurub, qurban edib, yüz əlli yerdən “güllələdən”, ağlar günə qoyan sizlər olmadınızmı?
… TƏLTİFLƏRƏ GƏLDİKDƏ İSƏ (az qism istisna olmaqla!) görəsən, adları təltiflərdə keçən şəxslər azad sözün gözlərinin içinə dik baxa
biləcəklərmi?
… Niyə özünüzü aldadırsınız ki?
Adam gərək haqqı çatanı arzulaya(!).. haqqı çatdığı mükafatı götürə(!).. haqqı çatan uğura sevinə!..