İranın xarici işlər naziri Abbas Əraqçi ali dini lider Əli Xamneyinin Rusiya prezidenti Vladimir Putinə dəstək istəməsi ilə bağlı məktub göndərib.
Tacxeber.com bildirir ki, bu barədə “Reuters” yüksək vəzifəli mənbəyə istinadən xəbər verir. İyunun 23-də səhər saatlarında Rusiya prezidentinin köməkçisi Yuri Uşakov deyib ki, Vladimir Putin bu gün İranın xarici işlər nazirini qəbul edəcək. Bir gün əvvəl Rusiyaya gələn Əraqçi deyib ki, “dünya nizamının faktiki təhlükə altında olduğu yeni təhlükəli şəraitdə” Moskva ilə məsləhətləşmələr böyük əhəmiyyət kəsb edə bilər.
Xatırladaq ki, iyunun 13-də İsrail “Şir kimi insanlar” əməliyyatına başlayıb və İrandakı nüvə və hərbi obyektlərə hücum edib. İyunun 22-də ABŞ döyüşlərə qoşulub. Ölkənin hərbi hava qüvvələri Natanz, Fordo və İsfahandakı nüvə obyektlərinə zərbələr endirib. İran prezidenti Məsud Pezeşkian İranın təcavüzə cavab verəcəyini bildirib. Rusiya Xarici İşlər Nazirliyi həmin gün ABŞ-ın hərəkətlərini pisləyən bəyanat yayıb.