İsraildə İranın hücumlarını dəstəkləyən və raketlərin düşdüyü əraziləri çəkərək yayımlayan şəxslər həbs olunacaq.
Tacxeber.com xəbər verir ki, bu barədə İsrailin milli təhlükəsizlik naziri İtamar Ben Qvir açıqlama verib.
“Raket zərbələrinə sevinən və ya raketlərin düşdüyü yerləri çəkərək paylaşanlar dövlət təhlükəsizliyinə təhdid sayılacaq və həbs olunacaqlar”, – o deyib.
Ben Qvir, həmçinin xarici media qurumlarının da bu görüntüləri yayımlamaqla İsrailin milli təhlükəsizliyini təhlükəyə atdığını iddia edib:
“İranı dəstəkləmək terroru dəstəkləmək deməkdir və terroru dəstəkləyənlər cəzaçəkmə müəssisələrində olmalıdır”.
Nazir əlavə edib ki, məsələ ilə bağlı daxili təhlükəsizlik xidməti Şin Bet və polis qüvvələri ilə koordinasiyalı şəkildə əməliyyatlar həyata keçirilir.
Nazirlikdən verilən məlumata görə, bu cür paylaşımlar edən bir neçə nəfər artıq saxlanılıb, həmçinin oxşar davranış sərgiləyən şəxslərlə bağlı tədbir görülüb.