Azərbaycan milli komandasının azarkeş qrupu “Göyqurdlar” boykot qərarı verib.
Fanatlar bəyanat yayaraq AFFA-nın onlara laqeyd yanaşdığını, məktublarına konkret cavab vermədiyini və futbolçularla aralarına bariyer qoymağa çalışdığını qeyd ediblər.
Azarkeş birliyi əlavə olaraq öz tələblərini açıqlayıb:
1. Azarkeş-futbolçu bağının bərpası üçün görüşlərin və açıq tədbirlərin təşkilinə yenidən başlanılsın;
2. AFFA rəhbərliyi azarkeş birliyimizlə açıq və şəffaf dialoqa çıxsın;
3. Futbol idarəçiliyinə ictimai nəzarət mexanizmi tətbiq edilsin;
4. Futbolun ruhuna uyğun, hesabatlı və azarkeşə açıq idarəetmə modelinə keçid baş versin.
“Biz stadionu hər zaman evimiz bilmişik. Siz isə bu gün məcbur getdiyiniz o stadionlara sabah yolunuzu belə salmayacaqsınız. Amma biz, 11-ci sektorun sakinləri, zamanı gələndə yenə yerimizdə olacağıq”, – deyə azarkeşlər bəyanat yayıblar.