İspaniyanın “Real Madrid” klubunda çıxış edən Türkiyənin milli futbolçusu Arda Gülər qazancını daşınmaz əmlaka yatırmağa başlayıb.
Tacxeber.com xəbər verir ki, gənc ulduzun İstanbulun elit yaşayış komplekslərindən biri olan “Beykoz Acarkent”də villa aldığı məlum olub.
20 yaşlı futbolçu 5 mərtəbəli, 1000 kvadratmetrlik villaya 3 milyon dollar (təxminən 116 milyon 579 min TL) ödəyib.
Arda Gülərin aldığı lüks yaşayış məkanını təmir etdirmək üçün əlavə olaraq 2 milyon dollar (təxminən 77 milyon 720 min TL) xərcləyəcəyi də bildirilir.
