Məmləkətimizin xarici borcu azalır – bu çox yaxşı gedişatdır, doğrudan da, Azərbaycanın xarici borcunun həcmi ÜDM-ə nisbətdə dünyada ən yaxşı göstəricilərdən biridir.
Amma, 2018-ci ildən bəri daxili borc 14 dəfədən (!!!) çox artıb, belə kəskin artımın səbəbi və strukturu haqqında hökumət detallı açıqlamalar vermir.
Maraqlıdır, daxili borcun strukturu, fiziki və hüquqi şəxslərin nisbəti necədir, daxili borcun kəskin artırmağa nə vadar etdi, bunun hansı fəsadları ola bilər, borcun tamamı manatladımı, öhdəliklərin sığortası (məsələn, məzənnə dəyişikliyinə görə) mövcuddurmu – bu mövzuda suallar var, yaxşı olardı ki, hökumət ümumi rəqəmlərdən başqa (belə məlumatlar var), detallı açıqlama da versin. Hökumət sualları havada qoymaz, yəqin ki, cavab verər, inanmırsınız?!
