Türkiyədə Düzcenin Akçakoca rayonunda sərt qış şəraiti səbəbindən təbiətdə qida tapmaqda çətinlik çəkən canavarlar kəndə enib. Həmin anlar müşahidə kameralarına əks olunub.
Tacxeber.com xəbər verir ki, Akçakocada qarın hündürlüyü bəzi yerlərdə 1 metrə çatdığı üçün vəhşi heyvanlar qida axtarışında yaşayış məntəqələrinə yaxınlaşmağa başlayıb. Kurugöl kəndində isə qar örtüyü 1,5 metrə qədər yüksəlib. Yemək tapmaqda çətinlik çəkən yırtıcı heyvanlar kənd ətrafında görünməyə başlayıb.