Azərbaycan futbolunda biabırçı hal yaşanıb.
Tacxeber.com xəbər verir ki, AFFA-nın müvafiq komitəsi U-15 liqasında keçirilməli olan “EFA” – “Qəbələ” oyununa hakim təyin etməyi unudub.
Bu haqda əvvəlcə “Qəbələ” Futbol Akademiyasının keçmiş əməkdaşı Namiq Hacızadə sosial şəbəkə hesabında məlumat yayıb.
O yazıb: “Deyirik ki, futbolumuz niyə bu gündədir. U-15 Liqasında keçirilməli olan EFA – “Qəbələ” oyunu baş tutmayıb. Səbəb isə həm gülməli, həm ağlamalıdır. Uşaq futbolun nəzarət edən hörmətli şəxslər oyuna hakim təyin etməyi unudub. Qəbələdən Bakıya gedən komandamız 16:30-a kimi gözləyib, sonra geri qayıdıb. Bu, hələ U-15 Liqasıdır. İnanın, daha aşağı liqalarda olan biabırçılıqlar lap dəhşətdir”.