Hakim “Vətəndaş müqaviləsi” partiyasının komandasında təkcə hökumətdə deyil, yerli özünüidarəetmə orqanlarında da vəziyyət gərginləşib.
Tacxeber.comxəbər verir ki, bu barədə “Joxovurd” qəzeti yazıb.
Nəşr qeyd edir ki, partiyanın idarə heyətinin noyabrın 12-də keçirilən iclasında yeni qalmaqal yaşanıb.
Belə ki, çərşənbə axşamı Gümrüdəki gərgin vəziyyət müzakirə olunan zaman görüşdə iştirak edən Nikol Paşinyan gözlənilmədən partiyanın deputatı, Gümrü merinə ehtimal olunan namizəd Karen Saruxanyanı narkotik testindən keçmək üçün müayinəyə göndərib.
Onu Paşinyanın güvəndiyi həkim və baş nazirin təhlükəsizlik xidmətinin əməkdaşı müşayiət edib.
Nəticədə deputatın qanında narkotik aşkarlanıb.
Xatırladaq ki, noyabrın 10-da məlum olub ki, Karen Saruxanyanın əmisi oğlu Varuj Xojumyan və onun dostu, partiyanın Gümrüdəki Ağsaqqallar Şurasının üzvü Pargev Gevorkyan narkotik saxlamaqda və istifadə etməkdə şübhəli bilinərək saxlanılıb.
