Xalq artisti Ağadadaş Ağayevin cinayət işi üzrə məhkəmə prosesi keçirilib.
Tacxeber.com “Report”a istinadən xəbər verir ki, Binəqədi Rayon Məhkəməsində hakim Vüsal Tağıyevin sədrliyi ilə keçirilən prosesdə Xalq artisti iştirak etməyib.
Zərərçəkən şəxs Nurəddin Cəlilovun nümayəndəsi vəsatət verərək Ağadadaş Ağayevin həbs edilməsini tələb edib. Hakim vəsatəti təmin etməyib.
Növbəti proses noyabrın 14-də keçiriləcək.
Qeyd edək ki, Ağadadaş Ağayevin atdığı baltanın dəydiyi təmizlikçi Nəzakət Paşayeva cinayət işində zərərçəkən qismində tanınıb.