“Forbes” nəşri Rusiyanın ən çox zərər edən 10 şirkətinin reytinqini tərtib edib.
Tacxeber.com xəbər verir ki, ötən il ərzində reytinqə daxil edilən 10 şirkətin ümumi zərəri 900 milyard rublu (9,5 milyard dollar) ötüb. Onu da qeyd edək ki, ümumi zərərin yarıdan çoxu “Qazprom” şirkətinin payına düşüb.
Beləliklə 2023-cü ildə ən çox zərər edən 10 Rusiya şirkəti bunlardır:
“Qazprom” – 583,1 milyard rubl (6,1 milyard dollar); “Amur Qaz-Kimya Kompleksi” – 71,9 milyard rubl (757 milyon dollar); “Ozon” – 42,7 milyard rubl (450 milyon dollar); Birləşmiş Təyyarə İstehsalı Korporasiyası – 34,8 milyard rubl (366 milyon dollar); VK – 34,3 milyard rubl (361 milyon dollar); “Mejdureçe” – 32 milyard rubl (337 milyon dollar); “Moskva Metrosu” – 30,7 milyard rubl (323 milyon dollar); “Rusqazdobyça” – 30,3 milyard rubl (319 milyon dollar); “Əmanətlərin Sığortalanması Agentliyi” Dövlət Korporasiyası – 29,5 milyard rubl (273 milyon dollar); “Baltika” pivəbişirmə şirkəti – 28,1 milyard rubl (296 milyon dollar).
