Kobra Murat kimi tanınan qaraçı müğənni Murat Divandiler qonağı olduğu proqramda var-dövlətindən danışıb.
Tacxeber.comxəbər verir ki, qazancını daşınmaz əmlaka və qızıla yatıran türkiyəli müğənni “18 kilo qızılım, 8 evim, 4 bağım var” deyib.
Davamlı olaraq qızıla sərmayə qoyduğu üçün həyat yoldaşının ona əsəbiləşdiyini bildirən sənətçi bildirib: “Mən trilyon dollarlıq adamam. 2 qızıl seyfimiz var. 18 kilo qızılımız var. Həyat yoldaşım deyir ki, daha qızıl alma, kassalarımıza yerləşmir. Bütün bunları gündə 21 saat işləyərək qazanıram ”.
Müğənni nə üçün məhz Kobra təxəllüsü almasından da danışıb.
Öncələr dərzi, modelyer kimi fəaliyyət göstərdiyini xatırladan Murat deyib ki, “İlan” ləqəbi ilə tanınan çox varlı, lakin çox xəsis qadına ilan dərisindən libas tikdikdən sonra məşhurlaşıb və qadın onu Kobra adı ilə cəmiyyətə tanıtdırıb.
