Ramallahda hakimiyyətdə olan Fələstin hökuməti bu gün istefa verəcək.
Tacxeber.comxəbər verir ki, bu barədə “Əl Məyadin” telekanalı Prezident Mahmud Abbasın administrasiyasındakı rəsmi mənbəyə istinadən məlumat yayıb.
Məlumata görə, Baş nazir Məhəmməd Ştaye istefasını Fələstin liderinə təhvil verəcək, lakin onun kabineti yeni hökumət formalaşana qədər fəaliyyətini davam etdirəcək.
Mənbə deyir ki, Mahmud Abbas bu addımı bəzi regional oyunçuların və ABŞ-nin ona göstərdiyi təzyiqlərə görə atır.
“Hökumətin istefası Qəzza zolağında müharibəyə son qoymaq üçün davam edən vasitəçilik səyləri və işğalçı qüvvələrin çıxarılması, həmçinin, Fələstin anklavındakı blokadanın götürülməsi üçün beynəlxalq təminatların verilməsi ilə bağlıdır”, – o vurğulayıb.
Mənbənin sözlərinə görə, növbəti addım HƏMAS hərəkatı da daxil olmaqla, yeni hökumətin formalaşmasına qədər bütün Fələstin qruplarının iştirakı ilə milli konsensusa nail olmaq olacaq.
