“Qarabağ”ın Avropa Liqasının 1/8 finaldakı rəqibinin “Bayer Leverkuzen” olduğu barədə məlumat vermişdik.
Publika.az xəbər verir ki, Almaniya təmsilçisi sosial şəbəkə hesablarında Ağdam təmsilçisini maraqlı formada təqdim edib. “Aspirinlər” oyunun afişasını “Avropa yolu” başlığı ilə paylaşıb.
Bu komandalar qrup mərhələsində üz-üzə gəlib. “Bay Arena”da keçirilən ilk görüşdə “Bayer” 5:1 hesabı ilə qalib gəlib. Bakıda isə Almaniya təmsilçisi minimal hesabla üstün olub.
Qeyd edək ki, 1/8 finalın ilk görüşü mart 7-də Bakıda, cavab oyunu isə 1 həftə sonra Leverkuzendə baş tutacaq.
