“Gürcüstan Prezidenti Salome Zurabişvili hökumətin icazəsi olmadan Münhendə keçirilən təhlükəsizlik konfransına getməklə vətənə xəyanət edib”.

Tacxeber.com xəbər verir ki, bu barədə “Gürcü Arzusu – Demokratik Gürcüstan”ın sədri İrakli Qaribaşvili brifinqdə danışıb.

“Salome Zurabişvili partiyamızın hər bir üzvünün gözü qarşısında vətənə xəyanət etdi. Bizim nöqteyi-nəzərimizdən o, dövlətimizin maraqlarına xidmət etmir. O, Konstitusiyanı bir neçə dəfə kobud şəkildə pozub və pozmaqda davam edir. Bu, ayıbdır”, – Qaribaşvili bildirib.

Onun sözlərinə görə, 2018-ci ildə seçkiqabağı kampaniya zamanı Zurabişvilinin reytinqi 1 faiz olub və onu hakimiyyətə “Gürcü arzusu” və Bidzina İvanişvili gətirib. Bundan sonra o, həm komandanın, həm də dövlətin maraqlarına xəyanət etdi.