İsrailin Baş naziri Benyamin Netanyahu hərbçilərə Qəzza zolağının cənubundakı Rəfah şəhərində dinc sakinlərin təxliyyəsi və radikal HƏMAS hərəkatının qalan dörd batalyonunun ləğvi üçün plan hazırlamağı tapşırıb.
Tacxeber.com xəbər verir ki, bu barədə Baş nazirlik məlumat yayıb.
“HƏMAS-ın dörd batalyonunu Rəfahda saxlamaqla HƏMAS-ı məhv etmək kimi müharibə məqsədinə nail olmaq mümkün deyil. Digər tərəfdən, Rəfahda genişmiqyaslı əməliyyatın mülki əhalinin döyüş bölgələrindən çıxarılmasını tələb etdiyi göz qabağındadır.
Bu səbəbdən baş nazir İDF və təhlükəsizlik xidmətlərinə ikili plan təqdim etməyi tapşırıb: həm əhalinin təxliyəsi, həm də HƏMAS batalyonlarının ləğvi”, – məlumatda deyilir.
