Bu gün sosial şəbəkələrdə Laçın yolunun müəyyən bir hissəsində asfalt örtüyünün qəzalı vəziyyətə düşməsi ilə bağlı fotolar paylaşılıb. Fotolardan görünür ki, asfalt örtüyü çatlayaraq, dağılıb. Yolun bu qədər qısa müddətə dağılması qınaq obyektinə çevrilib. Xatıladaq ki, Laçın yolu 2022-ci ildə çəkilib.
“Yeni Sabah” bildirir ki, Sitat.info məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli ilə əlaqə saxlayıb.
A. Nəcəfli açıqlamasında əraziyə AAYDA-nın nəzarət etmədiyi bildirib: “Azərbaycan Respublikasının işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahı fəaliyyət göstərir. Ora müraciət edin zəhmət olmasa”.
