“Ukrayna strateji infrastrukturun, xəstəxanaların bərpasında və tibbi xidmətin təmin edilməsində İtaliyanın köməyinə arxalana bilər”.

Tacxeber.com xəbər verir ki, bunu İtaliyanın xarici işlər naziri və Baş nazirin müavini Antonio Tayani özünün feysbuk səhifəsində yazıb.

O bildirib ki, Ukrayna və Ukrayna xalqı həmişə İtaliyanın dəstəyinə arxalana bilər: “Münaqişənin əvvəlindən səylərimizi əsirgəmədik. Hərbi dəstək, ilkin zəruri əşyaların göndərilməsi, dərmanlar, tibbi ləvazimatlar, vəsaitlər və çadırlar, çarpayılar və gigiyena dəstləri kimi əhaliyə yardım üçün maddi-texniki təchizat – hamısını etdik”.

XİN başçısı qeyd edib ki, İtaliya şirkətləri də bu prosesdə iştirak edir və bundan sonra da iştirak edəcəklər.