İranda İsrail kəşfiyyatı ilə əməkdaşlıqda təqsirli bilinən 4 nəfərə qarşı edam hökmü bazar günü icra edilib.
Tacxeber.com xəbər verir ki, bu barədə Mehr xəbər agentliyi İslam Respublikası Ali Məhkəməsinin hökmünə istinadən məlumat yayıb.
“Bu səhər sionist kəşfiyyat xidməti ilə əlaqəli olan qrupun dörd əsas üzvünə qarşı hökmlər icra edilib”, – məlumatda bildirilib.
Daha üç təqsirli bilinən şəxs beş ildən on ilədək həbs cəzası alıb. Onlar İranın milli təhlükəsizliyinə zərbə vurmaqda, adam oğurluğunda şərik olmaqda, qanunsuz silah saxlamaqda, İranın nüvə obyektlərində təxribat, o cümlədən iranlı alimləri qətlə yetirməkdə təşkilatçılıqda ittiham olunublar.
