Sərbəst güləş üzrə 125 kq çəki dərəcəsində U-20 Azərbaycan çempionatında çıxış edən Muxamed Qantemirovun geyindiyi geyimin üzərindəki rus bayrağı sosial şəbəkələrdə müzakirə mövzusuna çevrilib.
Tacxeber.com“qafqazinfo.az”a istinadən xəbər verir ki, onun ölkə birinciliyində başqa ölkə bayrağı ilə yarışması tənqid edilib.
Azərbaycan çempionatında idmançının başqa ölkənin bayrağı ilə xalçaya çıxması da sual doğurub.
Güləş Federasiyasının mətbuat xidmətinin rəhbəri Sərxan Musalı açıqlamasında güləşçilərin ölkə çempionatında başqa bayraqla mübarizə aparmasının qadağan edildiyini bildirib.
Federasiya rəsmisi Muxamed Qantemirovun geyimindəki Rusiya bayrağının əvvəlcədən üzərinin örtüldüyünü açıqlayıb:
“Əslində, bizdə görüntülər var. Onun geyimindəki Rusiya bayrağı əvvəlcədən bağlanmışdı. Lakinin bayrağın üzərinə vurulan stiker sonradan qopub. Hakimlər daha sonra stikerin qopduğunu görüb və yenidən üzərini örtüblər. Bu finalda qısa zaman ərzində baş verib.