Ukraynanın müəmmalı yeni “Palyanitsya” PUA-sı Rusiya Hərbi Hava Qüvvələrini hədəfə alıb. Rusiya dron və uzaqmənzilli raketlərlə hücumlarını artırarkən, Ukrayna buna bənzər cavab verir.
Bu barədə “Forbes” yazıb.
“Prezident Vladimir Zelenski raket PUA adlandırdığı “Palyanitsya” adlı yeni Ukrayna uzaq mənzilli silahının ilk döyüş istifadəsini elan etdi. Zelenski bildirib ki, yeni silah Rusiya təyyarələrini raket atmaq üçün havaya qalxmazdan əvvəl vuracaq. Bu yanaşma “oxları deyil, oxatanı vurun” adlanır. Bu, Ukraynada geniş şəkildə təbliğ edildi və müəyyən uğurlar qazandı. Peykdən çəkilmiş görüntülər göstərir ki, avqustun 22-də Marinovka aviabazasına PUA nəticəsində bir neçə bombardmançı məhv edilib və zədələnib”, – məlumatda bildirilib.
