“Saçına rəng qoyduran kişilər abrı, isməti olmuyan şəxslərdir. Gah xına vururlar, gah rəng vururlar. Bunlar mənasız şeylərdir”.
Bu sözləri Müasir Müsavat Partiyasının sədri Hafiz Hacıyev deyib.
O bildirib ki, saçlarına rəng qoyan kişilər arsız adamlardır:
“Allah hər kəsə bir ömür verib və bu ömür müəyyən vaxta gəldikdə insanın saçı da ağarır. Bu fizioloji bir prosesdir.
Düşünürəm ki, bunların əksəriyyəti boş şeylərdir. Mən qətiyyən saçıma rəng, xına qoymaram. Biz başımızın ağlığı ilə fəxr edirik. Necə deyərlər, uca dağların başı hər zaman qar olar. Biz bu ucalığı və yaşı hər zaman qiymətləndiririk.
Nə etmək olar? Bəzi insanlar başlarına xına vurub, ölkədə yüz oyundan çıxırlar. Bu tərbiyəsiz adamların işidir. Saçımın ağarması ilə bağlı heç bir narahatlığım yoxdur, əksinə bununla fəxr edirəm. Biz millətimizə, xalqımıza görə başımızı ağartmışıq”. (Demokrat)
