Bu gün keçiriləcək oyunlarla UEFA Çempionlar Liqasında 1/4 final mərhələsinə start veriləcək.
Tacxeber.com “trtspor”a istinadən xəbər verir ki, Avropa futbolunun klub səviyyəsində ən mühüm təşkilatı olan Çempionlar Liqasında 1/4 finalın ilk oyunları bu gün və 10 aprel çərşənbə günü, cavab qarşılaşmaları isə 16-17 aprel tarixlərində oynanılacaq.
30 aprel-1 may və 7-8 may tarixlərində yarımfinalların keçiriləcəyi “Nəhənglər Liqası”nda final oyunu iyunun 1-də Londondakı “Uembli” stadionunda keçiriləcək.
1/4 finalda bütün qarşılaşmaların bakı vaxtı ilə saat 23.00-da başlayacaq təqvimi belədir:
Bu gün, 9 aprel:
“Arsenal” (İngiltərə) – “Bayern Münhen” (Almaniya)
“Real Madrid” (İspaniya) – “Mançester Siti” (İngiltərə)
Çərşənbə, 10 aprel:
“Atletico Madrid” (İspaniya) – “Borussia Dortmund” (Almaniya)
“Paris Saint-Germain” (Fransa) – “Barselona” (İspaniya)