Dünyanın ən böyük hedcinq fondlarından biri olan Britaniyanın “Man Group” şirkəti “bitcoin”ə investisiya edərkən kvant strategiyasının effektivliyini təsdiqləyən araşdırma aparıb.
2017-ci ildən 2023-cü ilə qədər olan məlumatların təhlili göstərir ki, trendlər üzrə sikkələrin 10% alqı-satqısı, sikkələri statik olaraq saxlamaqdan daha çox gəlir əldə etməyə imkan verir.
“Man Group” ekspertləri qeyd ediblər ki, kriptovalyuta bazarında tez-tez eyforiya, çaxnaşma və izdihamı izləmək istəyi yaşanır. Bu, sistematik strategiyalara davranış meyillərini müəyyən etməyə və onlardan faydalanmağa imkan verir. İki milyard dollarlıq hedcinq fondu “Florin Court Capital” 2017-ci ildən bəri analoji modellər əsasında “bitcoin” və “Ether” ticarətini uğurla həyata keçirir.
Kembric Universiteti həmçinin 2011-2019-cu illər arasında kriptovalyutalar üçün trend izləmə taktikalarını araşdırıb. Alimlər “ardıcıl və cəlbedici” gəlir əldə ediblər. (Oxu.az)
