Türkiyədə yerli idarəetmə orqanlarının rəhbər vəzifələri və məslis üzvləri üçün keçirilən seçkilər başa çatıb.
TRT xəbər verir ki, sandıqlar bağlanıb və səslərin sayılması prosesi başlayıb.
61 milyon 441 min 882 seçicinin olduğu və 34 siyasi partiya namizədinin mübarizə apardığı seçkilərdə ölkə üzrə 206 min 845 seçki sandığı qurulub, minə yaxın daşınan seçki qutusu yaradılıb.
81 vilayət, 973 rayon və 390 qəsəbə bələdiyyə başçılarının, həmçinin 50 min 336 muxtarın seçildiyi seçkilərdə vilayət məclisi üzvlüyü və bələdiyyə məclisi üzvlüyünə seçkilər də keçirilib.
Qeyd edək ki, Türkiyə Mərkəzi Seçki Komissiyasının növbəti qərarına qədər seçkilərin ilkin nəticələri ilə bağlı KİV-də hər hansı məlumat dərc oluna bilməz. (Yeniavaz)
