Martın 22-də terror aktının baş verdiyi “Crocus City Hall” konsert zalı “Qazprombank”a kreditlə girov qoyulub. Daşınmaz Əmlakın Vahid Dövlət Reyestrindənçıxarışa əsasən bu, təsdiqlənir.
Musavat.com xəbər verir ki, bu barədə RBC yazıb.
Qeyd olunub ki, Mejdunarodnaya küçəsində, “Crocus International” şirkətinə (iş adamı Araz Ağalarovun “Crocus Group”un strukturlarından biri) məxsus sahəsi 38 min kvadratmetrdən çox olan 20 nömrəli bina 2023-cü il noyabr tarixli müqavilə ilə ipotekadadır. Müqavilə 24 dekabr 2032-ci il tarixinədək qüvvədədir.
Bu müqavilə əvvəllər yenidən müzakirə edilib, obyekt 2022-ci ilin dekabrında verilən tapşırıq nəticəsində “Qazprombank”a girov qoyulub.
“Crocus Group” şərh verməkdən imtina edib. “Qazprombank” RBC-nin sorğusuna cavab verməyib.