Ruslar Türkiyə dərmanlarını daşıyır

Dərmanlar rusların Türkiyədə turizmdən sonra maraqlandığı bir nömrəli sahə olub.

Tacxeber.az xəbər verir ki, bu barədə “Hürriyət” qəzeti məlumat yayıb.

“Rusların otellərə daxil olduqdan sonra ilk işi apteklərdən alış-veriş etmək olur. Keçən ilin may ayından etibarən əhəmiyyətli dərəcədə artan yüksək tələbat səbəbindən Aralıq dənizi və Egey bölgələrindəki beşulduzlu otellər getdikcə daha çox yeni apteklər açır. Türkiyənin məşhur kurortlarındakı apteklərdə rus dərmanlarının türkiyəli analoqlarını əzbər bilən işçilər çalışır. Onları əsasən şəkər xəstələri üçün dərmanlar, ağrıkəsicilər, antidepresantlar, o cümlədən, Türkiyədə qiyməti 3 dəfə ucuz olan linzalar maraqlandırır”, – nəşr yazıb.