İyulun 23-ü səyahət məqsədilə Zaqatala rayonunda dağlıq-meşəlik ərazidə yolu azan və köməksiz vəziyyətdə qalan 2 nəfər – Əli Əlizadə və Əbdül Rzayev dağlıq ərazidən təxliyə olunublar.
Tacxeber.com APA TV-yə istinadla xəbər verir ki, artıq Bakıya qayıdan Əbdül Rzayev yaşadıqları o qorxunc 2 gündən danışıb.
Gecələdikləri dərədə ayı gordüklərini bildirən müsahibimiz yırtıcı heyvandan uzaqlaşmaq üçün yollarını dəyişdiklərini və bundan sonra vəziyyətin daha da çıxılmaz hal aldığını bildirdi.
Əbdül Rzayev deyir ki, bu günlərdə həyatda qalmağımıza kömək edən ən böyük amillər çadır və ehtiyat qidamızın olması idi.
